श्रोत नखुलेको २२ लाख रुपैयाँसहित दुई जना पक्राउ

काठमाडौं ।महोत्तरीमा दुई दिनयता स्रोत नखुलेको  २२ लाख रुपैयाँसहित प्रहरीले दुई जनालाई पक्राउ गरेको छ ।

मटिहानी नगरपालिका-७ स्थित नेपाल-भारत सीमा नजिकबाट प्रहरीले शुक्रबार रु १० लाखसहित एकडारा गाउँपालिका(४ का २३ वर्षीय ललित महरालाई पक्राउ गरेको हो । 

ज७प ७६२८ नम्बरको मोटरसाइकलमा चढेर भारतबाट नेपालतर्फ आउँदै गरेका उनलाई उक्त रकमसहित सशस्त्र प्रहरी बल मटिहानीको टोलीले पक्राउ गरेको हो ।

यसैगरी बुधबार प्रहरीले स्रोत नखुलेको रु १२ लाखसहित सम्सी गाउँपालिका-६ का ४२ वर्षीय शेष हसमत अलीलाई पक्राउ गरेको थियो । 

प्र-०२-००५प ५९९५ नम्बरको मोटरसाइकलमा उक्त रकम बोकेका हसमतलाई जिल्ला प्रहरी कार्यालय महोत्तरी र प्रहरी चौकी इटहर्वाकट्टीको टोलीले मनरासिश्वा नगरपालिका(२ भोल्ही चोकबाट पक्राउ गरेको हो ।

पक्राउ परेका दुवै जनामाथि आवश्यक अनुसन्धन तथा कारबाही प्रक्रिया थालिएको प्रहरीले जनाएको  छ ।