श्रीमतीको हत्या आरोपमा श्रीमान पक्राउ

तनहुँ । श्रीमतीको हत्या आरोपमा श्रीमान पक्राउ परेका छन् ।तनहुँस्थित भानु नगरपालिका-८ गैरीफाँटकी ३९ वर्षीया प्रतीक्षा श्रेष्ठको हत्या गरेको आरोपमा ४२ वर्षीय श्रीमान ओमनारायण श्रेष्ठलाई प्रहरीले पक्राउ गरेको छ। 

तनहुँ प्रहरीका अनुसार घरायसी झगडा हुँदा ओमले श्रीमती प्रतीक्षामाथि बञ्चरो प्रहार गरेका थिए ।

बन्चरोको प्रहारबाट गम्भीर घाइते प्रतीक्षालाई उपचारका लागि दमौली अस्पताल पुर्याइएकामा चिकित्सकले मृत घोषणा गरेको थियो ।

ओमलाई प्रहरीले नियन्त्रणमा लिएर थप अनुसन्धान गरिरहेको जिल्ला प्रहरी कार्यालय तनहुँले जनाएको छ।