राजमार्गमा गुड्ने सवारीसाधनका चालक तथा सहचालकलाई ट्राफिक प्रहरीले दियो मेकानिकल चेकजाँचको निशुल्क परामर्श

बुटवल । जिल्ला ट्राफिक प्रहरी कार्यालय नवलपरासी पश्चिमले सवारी चालक तथा सहचालकलाई सवारीसाधनको निशुल्क मेकानिकल चेकजाँच गर्दै आबश्यक परामर्श दिएको छ। 

ट्राफिक प्रहरीले जिल्लास्थित आलम अटो मोबाइल बाबा बर्दगोरियासँँग सहकार्य गर्दै  मेकानिकहरुले सरावल गाउँपालिका-१ बासास्थित पूूर्व-पश्चिम राजमार्ग भएर गुडने सवारीसाधनका चालक तथा सहचालकलाई निशुल्क मेकानिक्स परामर्श दिएका हुन् ।

उक्त परामर्शमा करिब ७० बढी सवारीसाधनका चालक तथा सहचालकलाई निशुल्क परामर्श दिइएको पश्चिम नवलपरासी ट्राफिक प्रहरीले जानकारी दिएको छ।