पूर्व डीएसपी कार्की रास्वपामा प्रवेश

बैतडी । नेपाल प्रहरीका पूर्व डीएसपी नैन सिंह कार्की राजनीति क्षेत्रमा प्रवेश गरेका छन् । बैतडीको दोगडाकेदार गाउँपालिका-६ का पूर्व डीएसपी कार्की राष्ट्रिय स्वतन्त्र पार्टी (रास्वपा) प्रवेश गरेका छन् ।

जिल्लाको साबिक सित्तड गाबिस पन्ज्युनया टोल (हाल दोगडाकेदार गाउँपालिका-६) बाट एम.कम गर्ने पहिलो व्यक्ति समेत रहेका कार्कीले लामो  समयसम्म प्रहरी सेवामा रहेका थिए।

अदम्य सीप, दक्ष,अनुभवी र कानुन कार्यान्वयनमा सधै अग्रणी भुमिकामा रहँदै आएका अनूभवी पूर्व प्रहरी अधिकृत कार्की प्रहरी सेवाबाट अवकाश भएयता आफ्नो गाउँ-समाजको लागि बिभिन्न सामाजिक कार्य गर्दै आएका थिए।

सामाजिक कार्य गर्ने दौरानमा विभिन्न राजनीतिक दलहरुलाई नजिकबाट नियाल्दै पुराना ठुला दलले देश बिकास तथा गर्न नसक्ने भन्दै रास्वपामा प्रवेश गरेका हुन् । कार्की रास्वपामा प्रवेश गरेसँगै ठुला दलमा हलचल पैदा भएको बताइएको छ।