एसएसपी नवराज अधिकारीले सम्हाले उपत्यका ट्राफिक प्रहरीको कमान्ड

काठमाडौं । काठमाण्डौं उपत्यका ट्राफिक प्रहरी कार्यालयको कमाण्ड एसएसपी नवराज अधिकारीले सम्हालेका छन् ।

आज उपत्यका ट्राफिक प्रहरी कार्यालय आइपुगेका एसएसपी अधिकारीलाई ट्राफिक प्रहरीका एसपी दिपक गिरी लगायत ट्राफिक प्रहरी कर्मचारीले स्वागत गरेका थिए।

स्वागत पश्चात् एसएसपी अधिकारी पदभार ग्रहण गर्दै ट्राफिक प्रहरीले गरिरहेका काम कारबाहीलाई निरन्तरता दिदै आगामी दिनहरुमा थप उर्जाका साथ त्रुटीरहित तवरले सडक प्रयोगकर्ताको मनोभावनालाई बुझेर  थप सक्रिय भई कार्य गर्न ट्राफिक प्रहरी कर्मचारीहरुलाई निर्देशन दिएका हुन्  ।

यसअघिका ट्राफिक प्रहरी प्रमुख एसएसपी बिनोद घिमिरेको डीआईजीमा बढुवा भएपछि रिक्त रहेको स्थानमा अधिकारी आएका हुन् ।