मोटरसाइकल चोरीमा संलग्न २२ वर्षीय युवक ट्राफिक प्रहरीको नियन्त्रणमा

काठमाडौं । ट्राफिक प्रहरीले मोटरसाइकल चोरीमा संलग्न रहेको आरोपमा एक युवकलाई पक्राउ गरेको छ।

काठमाडौं उपत्यका ट्राफिक प्रहरीले काठमाडौँको शंकरापुर नगरपालिका-५ पालुबारीबाट सिन्धुपाल्चोकको बलेफी गाउँपालिका-३ धुसकोट घर भई हाल काठमाडौंको काँडाघारी बस्ने २२ वर्षीय संजय तामाङलाई पक्राउ गरेको हो।

ट्राफिक प्रहरीक अनुसार वास्तविक नम्बर बागमती प्रदेश ०२-०५१ प २१ १९  रहेको मोटरसाइकलको नम्बर परिवर्तन गरी बागमती प्रदेश ०२-०४९ प २८ ९६ राखि तामाङले चलाइरहेको अवस्थामा फेला पारी ट्राफिक प्रहरीले तामाङलाई पक्राउ गरेको  हो । 

उक्त मोटरसाइकल दाङ घर भएका मिलन नेपालीले काठमाडौंको बालाजुबाट हराएको भनि काठमाडौँ उपत्यका ट्राफिक प्रहरी कार्यालयमा खोजतलासको लागि निवेदन दिएका थिए ।

पक्राउ परेका तामाङलाई आवश्यक अनुसन्धानका लागि प्रहरी वृत्त बालाजु पठाइएको काठमाडौँ उपत्यका ट्राफिक प्रहरी कार्यालयका प्रवक्ता प्रहरी उपरीक्षक दिपक गिरीले जानकारी दिएका छन्   ।