भिनाजुद्वारा गोली प्रहार गरेर सालीको हत्या

काठमाडौं । ससुराली आएका भिनाजुले सालीलाई गोली प्रहार गरेर हत्या गरे पश्चात् फरार भएका छन् ।

सुनसरीस्थित हरिनगर गाउँपालिका-६, घुस्कीमा आज बिहान साढे  २ बजे १८ वर्षीया अर्सी अर्सीमाथि गोली प्रहार हुँदा मृत्यु भएको जिल्ला प्रहरी कार्यालय सुनसरीले जानकारी दिएको छ।

जिल्ला प्रहरी कार्यालयका सुनसरीका अनुसार, घरेलु विवादका क्रममा भारतको अररिया घर भएका २९ वर्षीय आजाज मियाँले अर्सीमाथि  गोली प्रहार गरेका थिए। गोली लागेर खातुनको घटनास्थलमै मृत्यु भएको थियो।

घटनालगत्तै आरोपी मियाँ फरार भएकाले प्रहरीले उनको व्यापक खोजी गरिरहेको छ। भारतको सुपौल र सुनसरीको हरिनगर नाकासहित सीमावर्ती क्षेत्रमा खोजी कार्य र निगरानीलाई तीव्र पारिएको प्रहरीले जानकारी दिएको छ।