अमेरिकाले दियो नेपाली सेनालाई एयर एम्बुलेन्स र स्काई ट्रक

काठमाडौं । नेपाली सेनालाई एयर एम्बुलेन्स र स्काई ट्रक सहयोग प्राप्त भएको छ।

अमेरिकाले नेपाली सेनालाई  एम २८ स्काई ट्रक पूर्ण अनुदान स्वरूप सहयोग गरेको हो।  जसमा एयर एम्बुलेन्स र स्काई ट्रक १-१ वटा रहेको नेपाली सेनाले जानकारी दिएको छ ।

त्रिभुवनक अन्तर्राष्ट्रिय विमानस्थल नेपाली सैनिक एयर वेसमा आयोजित विशेष कार्यक्रममा परराष्ट्र मन्त्री डा. आरजु राणा देउवा र रक्षा मन्त्री मानवीर राईको समुपस्थितिमा नेपालका लागि अमेरिकी राजदूत डिन आर.थम्पसनले प्रधान सेनापति अशोक राज सिग्देललाई विमान हस्तान्तरण गरेका हुन् ।

यी स्काई ट्रकहरू सैनिक प्रयोजनसँगै विपद् व्यवस्थापन र आपतकालीन उद्धार कार्यमा प्रयोग गरिने नेपाली सेनाले जनाएको छ।