३८० कैदीबन्दी फर्किए कारागार
काठमाडौं । कैलाली कारागारबाट फरार भएका ३८० कैदीबन्दी फर्किएका छन् । जेनजीको प्रदर्शनका क्रममा ६६७ कैदीबन्दी कारागारबाट फरार भएकोमा २८७ कैदीबन्दी अझैसम्म नफर्किएको कारागार कार्यालयले जनाएको छ ।
कार्यालयको तथ्याङ्कका अनुसार फर्किनेमा ३६ महिलासहितका कैदीबन्दी छन् । २१ भारतीय कैदीबन्दी फरार भएकोमा दुई जना कैदीबन्दी फर्किएका छन् । धेरैजसो कैदीबन्दी दिउँसोभन्दा रातको समयमा फर्किने गरेको कार्यालयले जनाएको छ ।
जिल्ला प्रशासन कार्यालय कैलालीले फरार कैदीबन्दीलाई यही असोज २० गतेसम्म फर्किन समय सीमा तोकेको थियो । सूचनामा स्थानीय प्रशासनले तोकिएको समयमा सम्पर्कमा नआएका कैदीबन्दीलाई कारागार ऐन र प्रचलित कानुनअनुसार कारबाही गरिने जनाएको थियो । यही असोज १३ देखि २२ गतेको अवधिमा थप ५३ कैदीबन्दी फर्किएका हुन् ।
कैदी फरारको घटनापछि सहायक प्रमुख जिल्ला अधिकारी किरण जोशीको संयोजकत्वमा फरार कैदीको खोजी र पक्राउका लागि कार्यदल बनाइएको थियो । कारागारमा गत साउन २३ गते कैदीबन्दी बीच झडप हुँदा एक जनाको मृत्यु र ४८ कैदीबन्दी घाइते भएका थिए ।
घाइते एक जनाको अझै सेती प्रादेशिक अस्पतालमा उपचार भइरहेको छ । उपचारपछि फर्किएकालाई अन्यत्रका कारागारमा स्थानान्तरण गरिसकिएको कार्यालयका निमित्त प्रमुख ज्ञानेन्द्र ओझाले जानकारी दिए ।
दुर्गा प्रसाईंका प्रतिनिधिले गृहमन्त्रीसँग भने- मंसिर ७ देखिको आन्दोलन शान्तिपूर्ण हुन्छ
बुधबार, कात्तिक २६, २०८२
बाँकेस्थित शान्ति पुन:स्थापना गृहद्वारा ३९९ जनाको उद्धार
मंगलबार, कात्तिक २५, २०८२
गृहमन्त्री अर्याल भन्छन् - गृह मन्त्रालयको कामबारे बोल्नै मिल्दैन
आइतबार, कात्तिक २३, २०८२
फरार कैदीबन्दी र लूटिएका हतियार फिर्ता ल्याउन सरकारले विशेष अपरेशन चलाउँदै छ: गृहमन्त्री
शनिबार, कात्तिक २२, २०८२- गृहमन्त्री अर्यालले गरे अवकाश जान लागेको आईजीपी खापुङ्गको बिदाइ
- इलाका प्रहरी र जिल्ला ट्राफिक प्रहरी कार्यालयमा आगजनी गर्ने ६ जना पक्राउ
- दुर्गा प्रसाईंका प्रतिनिधिले गृहमन्त्रीसँग भने- मंसिर ७ देखिको आन्दोलन शान्तिपूर्ण हुन्छ
- बदलिँदो सुरक्षा चुनौती र तस्करी नियन्त्रण गर्न सशस्त्र प्रहरीका एसएसपीहरु अबदेखि सीमा नाकामा
- धनगढीबाट ९५ लाखको मोबाइल पार्ट्ससहित दुई जना सशस्त्र प्रहरीको नियन्त्रणमा
