इन्सास राइफलसहित लुटपाट भएका हातहतियार र गोलीगठ्ठा बरामद
काठमाडौं । प्रहरीले ठुलो परिमाणमा लुटपाट भएका हातहतियार र गोली बरामद गरेको छ। झापाको दमक नगरपालिका–१ बुद्ध टोलस्थित रतुवा खोलाको किनारमा रहेको काँसघारीमा बेवारिसे अवस्थामा ती हातहतियार तथा गोलीगठ्ठा फेलापरेको हो।
स्थानीयले आज साँझ करिब ५ः०० बजे हातहतियार देखिएको जानकारी गराएपछि इलाका प्रहरी कार्यालयबाट प्रहरी नायब उपरीक्षक किशोर लम्सालको कमाण्डमा टोली खटिएको थियो । टोलीले उक्त स्थानमा पुगेर जाँच गर्दा खिया लागेको अवस्थामा विभिन्न हातहतियार तथा गोलीगठ्ठा फेलापरेको जिल्ला प्रहरी कार्यालयका प्रहरी नायब उपरीक्षक खगेन्द्रबहादुर खड्काले जानकारी दिए ।
उनका अनुसार बरामद गरिएका हातहतियार गत भदौ २४ गतेको जेनजी आन्दोलनका क्रममा इलाका प्रहरी कार्यालयबाट आन्दोलनकारीले लुटपाट गरी लगेका भनी अभिलेखमा उल्लेख भएका हतियारसँग मेल खाने देखिएको छ ।
बरामद सामग्रीमा म्यागजिनसहितका दुई थान इन्सास राइफल, म्यागजिन नभएको एक थान इन्सास राइफल, ३०३ बोरका १३४ राउण्ड, एसएलआरका पाँच राउण्ड, इन्सासको जङ्गी राउण्ड २० थान तथा गोली राख्ने बिन्दुली तीन थान रहेका छन् ।
बरामद गरिएका हातहतियार तथा गोलीगठ्ठा रीतपूर्वक नियन्त्रणमा लिई थप अनुसन्धानका लागि इलाका प्रहरी कार्यालयमा राखिएको प्रहरीले जनाएको छ । रासस।
नाबालिकालाई वेश्यावृत्तिमा लगाएको आरोपमा ५ जना पक्राउ, ८ जनाको उद्धार
बिहीबार, पुस ३, २०८२
दर्ता–नवीकरणविहीन इ–रिक्सामाथि कडाइ, १०७ इ–रिक्सा नगर प्रहरीको नियन्त्रणमा
सोमबार, मंसिर २९, २०८२
नेपालगञ्ज नाकाबाट जोखिममा परेका १२६ जनाको उद्धार
सोमबार, मंसिर २९, २०८२- इन्सास राइफलसहित लुटपाट भएका हातहतियार र गोलीगठ्ठा बरामद
- अमेरिका,क्यानडा र युरोप पठाउने भन्दै ४९ लाख ठगी गर्ने ३ जना पक्राउ
- पेस्तोलसहित १९ वर्षीय युवक प्रहरीको नियन्त्रणमा
- सशस्त्र प्रहरीका एक दर्जन बढी डीएसपीले पाए नयाँ कमाण्ड (सरुवा सूचीसहित)
- धौलागिरीचोकका १७ वर्षीय ईशानको बीभत्स हत्या, नालीमा भेटियो शव
