तामाकोशीमा बस खस्यो,५ जनाको मृत्यु

काठमाडौँ । काठमाडौंबाट ओखलढुंगा जाँदै गरेको बस तामाकोशी नदिमा खस्दा ५ जनाको मृत्यु भएको छ।

आज बिहान  ओखलढुंगा जाँदै गरेको  प्रदेश ३-०१-९९५ ख ९९७५ नम्बरको बस रामेछापको सेलेघाटस्थित  तामाकोशी नदीमा खसेको प्रहरीले जानकारी दिएको छ।

प्रहरीका अनुसार बस दुर्घटनामा परेर ५ जनाको मृत्यु भएको छ। दुर्घटनास्थलबाट प्रहरीले ६ जनालाई उद्धार गरेर उपचारका लागि मन्थली र खुर्कोट  अस्पताल लगेको जनाएको छ।

बसमा  सवार यात्रुहरु कति थिए भन्ने हालसम्म यकिन हुन नसकेको प्रहरीले जनाएको छ। थप विवरण आउँन बाँकी।