सुर्खेतको वीरेन्द्रनगरमा ३०-३२ वर्षका युवकको मृत भेटियो

वीरेन्द्रनगर । सुर्खेतमा आज  बिहान पौने ८ बजे समयमा वीरेन्द्रनगर -९ स्थित  अलिवावा ईन्टर प्राईजेज नजिक अन्दाजी ३०–३२ वर्षका युवकको शव  फेला परेको छ।

स्थानीयवासीले घटनाबारे प्रहरीलाई खबर गरेपछि जिल्ला प्रहरी कार्यालय सुर्खेतबाट प्रहरी निरीक्षक राजन प्रसाद भट्टराईको कमाण्डमा ५ जनाको टोली तत्काल घटनास्थलतर्फ खटिएको थियो।

प्रहरीले मृतकको शव पोष्टमार्टमका लागि प्रदेश अस्पताल कालागाउँ पठाएको जानकारी दिएको छ। हालसम्म मृतकको पहिचान खुल्न सकेको छैन भने घटनाबारे थप अनुसन्धान भइरहेको प्रहरीले जनाएको छ।