नेपालगन्ज आउँदै गरेको एम्बुलेन्स कालिकोटमा दुर्घटना: दुई जनाको मृत्यु
नेपालगन्ज । कर्णाली प्रदेशमा फेरि एक दर्दनाक सडक दुर्घटना भएको छ। जुम्लाबाट नेपालगन्जतर्फ बिरामी बोकेर आउँदै गरेको एम्बुलेन्स कालीकोटमा दुर्घटनाग्रस्त हुँदा दुई जनाले ज्यान गुमाएका छन् भने अन्य दुई जना घाइते भएका छन्।
हिमा गाउँपालिकाबाट छुटेको ना ०१००१ झ ००२४ नम्बरको एम्बुलेन्स कालीकोटको खाँडाचक्र नगरपालिका–२ स्थित मेयरखोला नजिकै सडकबाट करिब २५ मिटर तल खसेको थियो। दुर्घटनामा परी हिमा–६ पातरखोलाका ३२ वर्षीय भीमबहादुर अधिकारी र एम्बुलेन्स चालक, हिमा–७ मर्चीगाउँका २६ वर्षीय शक्तिबहादुर शाहीको मृत्यु भएको प्रहरीले जनाएको छ।
प्रहरीका अनुसार भीमबहादुर आफ्ना ७१ वर्षीय बुबा कलबहादुर अधिकारीलाई थप उपचारका लागि नेपालगन्ज लैजाँदै थिए। तर बाटोमै भएको दुर्घटनाले उनको ज्यान लिएको हो।
दुर्घटनामा परेका बिरामी कलबहादुर अधिकारी र हिमा–७ का २० वर्षीय लोकेन्द्र शाही घाइते भएका छन्। उनीहरूको कालीकोट जिल्ला अस्पतालमा उपचार भइरहेको छ। चिकित्सकका अनुसार कलबहादुरको खुट्टामा चोट लागेको छ भने लोकेन्द्रको कान र पेटमा सामान्य चोट लागेको छ।
प्रहरीले प्रारम्भिक अनुसन्धानका आधारमा बाक्लो हुस्सुका कारण सडक दृश्यता कम हुँदा दुर्घटना भएको अनुमान गरेको छ।
दुईवटा मोटरसाइकल ठोक्किएर आगलागी हुँदा एसईई दिएर फर्किदै गरेका ३ विद्यार्थीको मृत्यु
मंगलबार, चैत २४, २०८२
भालुबाङमा चितुवाको आक्रमण: दुई जना घाइते, प्रहरीको सक्रियतामा नियन्त्रणमा आयो चितुवा
मंगलबार, चैत २४, २०८२
राप्तीसोनारीको डाँडाटेपरीमा दर्दनाक दुर्घटना: ५ वर्षीय बालकको घटनास्थलमै मृत्यु
शुक्रबार, चैत २०, २०८२
दुई किशोरी रुखमा झुन्डिएको अवस्थामा मृत फेला
बिहीबार, चैत १९, २०८२- बाँकेबाट लाखौं रुपैयाँको अवैध सामग्री प्रहरीको नियन्त्रणमा
- केपी ओली र रमेश लेखकलाई हाजिर जमानीमा छोड्ने निर्णय
- नेपालगन्ज आउँदै गरेको एम्बुलेन्स कालिकोटमा दुर्घटना: दुई जनाको मृत्यु
- मकाउ पठाउने भन्दै लाखौं ठगी गरेको आरोपमा राजेन्द्र प्रहरीको नियन्त्रणमा
- महिला र बालिकालाई जबरजस्ती करणी गरेको आरोपमा तीन जना पक्राउ
