ट्राफिक चेकिङमा ललितपुरको इमाडोलमा मात्रै ६१ चालक कारबाहीमा

ललितपुर । ललितपुरको इमाडोलमा ट्राफिक प्रहरीले ६१ चालकलाई कारबाही गरेको छ। उपत्यका ट्राफिकको छड्के चेकिङमा इमाडोलमा ६१ सवारीसाधनका चालकलाई कारबाही गरिएको उपत्यका ट्राफिक प्रहरी कार्यालयले जनाएको छ।

शुक्रबार साँझसम्म ट्राफिक प्रहरीको यान्त्रिक चेकिङमा ६७ सवारीसाधनको चेकिङ गर्दा ठिक अवस्थामा नभएका ६१ सवारीसाधनका चालकलाई कारबाही गरेको हो।

जसमा हेण्डब्रेक नभएका, लाइटहरू दुरुस्त नभएका, टायर धेरै घिस्रिएका लगायत अवस्था ठिक नभएका ६१ वटा सवारी साधन फेला परेपछि चालकलाई कारबाही गरिएको ट्राफिक प्रहरीले जानकारी दिएको छ।

दुर्घटना न्यूनीकरणका लागि उपत्यकामा ट्राफिक प्रहरीले मापसे, लापसे लगायत सवारीसाधनको चेकजाँच गर्दै आएको जनाएको छ।