अमेरिकाबाट फर्केका नेपालीको जहाजमै मृत्यु

काठमाडौँ। अमेरिकाबाट नेपाल फर्केका एक नेपाली  जहाजमै मृत्यु भएको छ। आजत्रिभुवन अन्तर्राष्ट्रिय विमानस्थलमा अवतरण गरेको टर्किस एयरलाइन्सको उडानमा सवार ७३ वर्षीय श्याम महरठ्ठा मृत अवस्थामा फेला परेका हुन्।

गोरखाको बारपाक सुलिकोट गाउँपालिका–२ घर भएर हाल अमेरिका बसिरहेका  महरठ्ठा परिवारका सदस्यहरूसँगै नेपाल फर्किरहेका थिए। उनी सवार रहेको टर्किस एयरलाइन्सको उडान नम्बर ७२६ बिहान ६:३५ बजे काठमाडौँमा अवतरण गरेको थियो।  जहाजमै अचेत भएका उनलाई अस्पताल लगिएपनि चिकित्सकले।मृत घोषणा गरेका थिए।

विमानस्थल सुरक्षा कार्यालयका अनुसार घटनापछि आवश्यक कानुनी प्रक्रिया अघि बढाइएको छ। मृतकको शव परीक्षणका लागि अस्पताल पठाइएको र मृत्युको कारणबारे थप अनुसन्धान भइरहेको प्रहरीले जनाएको छ।

मृत्युको यथार्थ कारण भने पोस्टमार्टम प्रतिवेदनपछि मात्रै खुल्ने बताइएको छ।