भारतबाट ब्राउन सुगर लिएर आउँदै गरेका २१ वर्षीय युवक नेपालगन्ज नाकाबाट पक्राउ
नेपालगञ्ज । भारतबाट अवैध रूपमा ल्याउदै गरिएको ब्राउन सुगरसहित २१ वर्षीय युवकलाई सुरक्षाकर्मीले नियन्त्रणमा लिएको छ।
आज दिउँसो करिब २ बजे भारतको रुपैडिहाबाट ब्राउन सुगर लिएर नेपाल प्रवेश गर्दै गरेका बाँकेको नेपालगञ्ज उपमहानगरपालिका–११, सृष्टि हल नजिक बस्ने २१ वर्षीय अब्दुल खानलाई नेपालगञ्ज–१५ स्थित शर्मा गल्लीको निमको बोट नजिकबाट १ सय मिलिग्राम ब्राउन सुगरसहित नियन्त्रणमा लिइएको सशस्त्र प्रहरीले जानकारी दिएको छ।
सशस्त्र प्रहरी बलको बोर्डर आउटपोस्ट (बिओपी) जयसपुरबाट सशस्त्र प्रहरी निरीक्षक हिमाल केसीको कमाण्डमा स्निफर डगसहित खटिएको टोली र लागू औषध नियन्त्रण ब्यूरो शाखा कार्यालय नेपालगन्जका प्रहरी सहायक निरीक्षक नवीन कुमार शाहीको संयुक्त टोलीले खानलाई शंकास्पद अवस्थामा जाँच गर्दा उनको साथबाट १०० मिलिग्राम ब्राउन सुगर बरामद गरेको सशस्त्र प्रहरीले जनाएको छ।
पक्राउ परेका खानलाई आवश्यक अनुसन्धान तथा कानुनी कारबाहीका इलाका प्रहरी कार्यालय जमुनाह बुझाइएको सशस्त्र प्रहरीले जनाएको छ।
च्याउ टिप्न जाँदा सम्पर्कविहीन भएका १४ महिलाको सकुशल उद्धार
सोमबार, साउन ४, २०८३
संयुक्त राष्ट्रसंघीय प्रहरी समिटबाट फर्किए आईजीपी कार्की र एपीएफ प्रमुख पौडेल
बुधबार, असार ३१, २०८३
'बाँकेमा तस्करी नियन्त्रण अभियान - समन्वय, सक्रियता र वास्तविकता'
मंगलबार, असार ३०, २०८३- भारतबाट ब्राउन सुगर लिएर आउँदै गरेका २१ वर्षीय युवक नेपालगन्ज नाकाबाट पक्राउ
- बाँकेमा १९ फरार प्रतिवादी पक्राउ, ३ वर्ष ९ महिनाबढी कैद असुल
- घुमुवा प्रहरी भन्दै नक्कली रिभल्भर देखाएर रकम असुल्न खोज्ने व्यक्ति पक्राउ
- सशस्त्र प्रहरी प्रमुखले भने– सीमा अपराध नियन्त्रणमा समन्वय अझ सुदृढ बनाउँछौं
- लागूऔषध माफियासँगको भिडन्त: प्रहरी किन पुग्यो गोली चलाउने अवस्थामा?
