लागूऔषधविरुद्ध प्रहरी कारबाहीमा १७ जना कारोबारी पक्राउ
काठमाडौं । नेपाल प्रहरीले गरेको लागूऔषधविरुद्धको कारबाहीमा विभिन्न स्थानबाट १७ जना पक्राउ परेका छन्। प्रहरीको कारबाहीअन्तर्गत काठमाडौं, कञ्चनपुर, बारा, पर्सा, कास्की, सुर्खेत, चितवन र झापाबाट उनीहरू पक्राउ परेका हुन्।
प्रहरी प्रधान कार्यालयका अनुसार काठमाडौंको कागेश्वरी मनोहरा नगरपालिका–९ स्थित एक फार्मेसीबाट नियन्त्रित लागूऔषध ट्रामाडोल ६ हजार १ सय १५ ट्याब्लेट र नाइट्राजेपाम ५ हजार ७ सय ३० ट्याब्लेटसहित ३ जना पक्राउ परेका छन्।
पक्राउ पर्नेमा फार्मेसी सञ्चालक कालिकोट पचालझरना गाउँपालिका–८ का २३ वर्षीय हिमाल शाही, सोही गाउँपालिका–९ का २१ वर्षीय हिरो विक र शुभ कालीका गाउँपालिका–८ का २६ वर्षीय उमेशबहादुर शाही रहेका छन्।
यस्तै, काठमाडौंको चन्द्रागिरी नगरपालिका–२ नागढुंगाबाट ट्रामाडोल १ सय २० ट्याब्लेटसहित २ जना पक्राउ परेका छन्। पक्राउ पर्नेमा धादिङ थाक्रे गाउँपालिका–४ का २२ वर्षीय रूबिन सुनार र धुनिवेशी नगरपालिका–५ का २१ वर्षीय सन्तोष तामाङ रहेका छन्।
कञ्चनपुरको बेदकोट नगरपालिका–१० सिसैयाबाट २ सय ८० मिलिग्राम लागूऔषधसहित २६ वर्षीय निराजन ठकुराठी पक्राउ परेका छन्।
बाराको जीतपुरसिमरा उपमहानगरपालिका–८ गोवरगावाबाट करिब १ किलो ७ सय ३० ग्राम गाँजासहित ३६ वर्षीय जयनारायण चौधरी पक्राउ परेका छन्।
पर्साको पटेर्वा सुगौली गाउँपालिका–५ देउरियाबाट ४ सय ८० मिलिग्राम ब्राउन सुगर र ३ ग्राम १ सय ७० मिलिग्राम अफिमसहित ५५ वर्षीय रामनारायण राउत थारू पक्राउ परेका छन्।
कास्कीको पोखरा महानगरपालिका–८ न्यूरोडबाट ९ ग्राम ३ सय २० मिलिग्राम लागूऔषधसहित २ जना पक्राउ परेका छन्। पक्राउ पर्नेमा तनहुँ व्यास नगरपालिका–५ का २६ वर्षीय राजु न्यौपानेसमेत रहेका छन्।
सुर्खेतको वीरेन्द्रनगर नगरपालिका–२ कोलडाँडाबाट ४ ग्राम ३ सय ८० मिलिग्राम ब्राउन सुगरसहित २ जना पक्राउ परेका छन्। पक्राउ पर्नेमा २५ वर्षीय मानबहादुर बुढा र १९ वर्षीय दिपेन्द्र जैसी रहेका छन्।
चितवनको खैरहनी नगरपालिका–१ गणेशचोकबाट ३ ग्राम १ सय मिलिग्राम ब्राउन सुगरसहित ४ जना पक्राउ परेका छन्। पक्राउ पर्नेमा २६ वर्षीय अजय गान्धरीसमेत रहेका छन्।
यस्तै, झापाको मेचीनगर नगरपालिका–६ बाट ६ ग्राम २ सय ८० मिलिग्राम लागूऔषधसहित २६ वर्षीय सरोज थापा मगर पक्राउ परेका छन्।
पक्राउ परेकाहरूमाथि प्रहरीले आवश्यक अनुसन्धान अघि बढाएको प्रहरी प्रधान कार्यालयले जनाएको छ।
नेपालगन्जबाट खैरो हेरोइनसहित एक युवती र दुई युवक पक्राउ, २ लाख २५ हजार नगद बरामद
शनिबार, असोज १०, २०८३
चोरी भएका १४ पावर टिलरसहित पाँच जना पक्राउ
शनिबार, असोज १०, २०८३
लुकिछिपी बसेका १२ फरार प्रतिवादी बाँके प्रहरीको नियन्त्रणमा
शनिबार, असोज १०, २०८३
दक्षिण अफ्रिका पठाइदिने भन्दै ठगी गरेको आरोपमा ३२ वर्षीय युवक पक्राउ
शुक्रबार, असोज ९, २०८३- मधेशबाट २७ करोडभन्दा बढीको अवैध सामान सशस्त्र प्रहरीको नियन्त्रणमा
- नेपालगन्जबाट खैरो हेरोइनसहित एक युवती र दुई युवक पक्राउ, २ लाख २५ हजार नगद बरामद
- बाढीले सुस्ता बस्ती डुबानमा: २९ जनाको सशस्त्र प्रहरीद्वारा सकुशल उद्धार
- चोरी भएका १४ पावर टिलरसहित पाँच जना पक्राउ
- लागूऔषधविरुद्ध प्रहरी कारबाहीमा १७ जना कारोबारी पक्राउ
