इन्टरपोलको सहयोगमा विदेशमा लुकेका ९ जनालाई नेपाल ल्याइयो

काठमाडौं । नेपाल प्रहरीले विदेशमा लुकेर बसेका विभिन्न मुद्दाका ९ जनालाई इन्टरपोलको सहयोगमा पक्राउ गरेको छ।

प्रहरी प्रधान कार्यालयका अनुसार पछिल्लो ४ महिनायता ९ जनालाई विदेशबाट पक्राउ गरी ल्याइएको हो।

प्रहरी प्रधान कार्यालयको नेपालस्थित इन्टरपोल शाखाले २०८१ साउनपछि इन्टरपोल मुख्यालयसँग विदेशमा लुकेर बसेका १२ जनालाई नेपाल फिर्ता ल्याउन मागेको सहयोगमा ९ जनालाई इन्टरपोलले पक्राउ गरेर नेपाल फिर्ता पठाएको हो।

विदेशमा लुकेर बसेका अरु ३ जना भने अझै फेला पर्न नसकेको प्रहरी प्रधान कार्यालयले जानकारी दिएको छ।