सहकारी ठगी: रविपत्नी निकिता पौडेलको सम्पत्ति जफतको माग गर्दै बनाइयो प्रतिवादी

पोखरा । पूर्व गृहमन्त्री रवि लामिछाने पत्नी निकिता पौडेललाई पनि प्रतिवादी बनाइएको छ। जिल्ला सरकारी वकिल कार्यालय कास्कीले आज लामिछाने पत्नी निकिताको सम्पत्ति जफत गर्न माग गर्दै प्रतिवादी बनाएको हो।

सरकारी वकिल कार्यालयले दायर गरेको मुद्दामा सम्पत्ति जफत प्रयोजनका लागि लामिछानेसँगै उनकी पत्नी पौडेललाई पनि प्रतिवादी बनाएको हो।

लिला पछाई, उनकी आमा राधा पछाई, दिदी गिता पछाई, पूर्वडीआइजी छविलाल जोशी, उनकी श्रीमती पद्मा जोशी बन्जाडे र छोरा रोचक जोशीको पनि सम्पत्ति जफत गर्न माग गर्दै सरकारी वकिल कार्यालय मुद्दा दर्ता गरेको जनाएको छ।

‘निकिता लगायतलाई सम्पत्ति जफत प्रयोजनका लागि प्रतिवादी बनाएका छौं,’ जिल्ला न्यायाधिवक्ता कमला काफ्लेले भनिन्। 

रविको मात्रै २७ करोड ८९ लाख ४४ हजार ७०५ रुपैयाँ बिगो माग दाबी भएर  गरिएको छ।सम्पत्ति शुद्धीकरण सम्बन्धी कसुरमा पौडेललाई पनि प्रतिवादी बनाएर अभियोग पत्र दायर गरिएको हो।