इन्टरपोलको सहयोगमा फरार प्रतिवादीलाई पक्राउ गरेर नेपाल ल्याइयो

काठमाडौं । वैवाहिक बलात्कार मुद्दामा इन्टरपोलबाट रेड कर्नर नोटिस जारी भएका एक जना फरार प्रतिवादी कतारबाट पक्राउ परेका छन् ।

नेपाल प्रहरीले दिएको जानकारी अनुसार पर्साको वीरगन्ज महानगरपालिका-३१ बेलवाप्रसौनीका समसुदिन अन्सारीलाई कतारको दोहास्थित नेसनल सेन्ट्रल ब्युरो (एनसीबी) को समन्वयमा पक्राउ गरेर नेपाल ल्याइएको हो।

उक्त मुद्दामा संलग्न रही फरार रहेका उनलाई अन्तर्राष्ट्रिय स्तरमा खोजतलास एवम् पक्राउ गर्नको लागि एनसीबी काठमाडौँको अनुरोधमा इन्टरपोल महासचिवालयबाट सन् २०२५ अप्रिल १ गते अन्सारीविरुद्ध रेड नोटिस जारी भएको थियो ।

बिहीवार नेपाल ल्याइएका अन्सारीलाई कारबाहीको लागि जिल्ला प्रहरी कार्यालय पर्सा पठाइएको नेपाल प्रहरी प्रधान कार्यालए  जानकारी दिएको छ ।