पहिरोले घर पुर्दा वृद्ध दम्पती बेपत्ता

काठमाडौं । पहिरोले घर पुर्दा एक वृद्ध दम्पती बेपत्ता भएका छन् ।

पर्वतको मोदी गाउँपालिका–३ देउरालीको लाङ्दीमा आज बिहान  गएको पहिरोले घर पुर्दा  ७६ वर्षीय छविलाल विश्वकर्मा र उनकी श्रीमती ७६ वर्षीया विष्णुमती विश्वकर्मा पहिरोमा परेर बेपत्ता भएका हुन्।

प्रहरीका अनुसार सोही घरमा रहेका उनका  ३२ वर्षीया बुहारी  पवित्रा विश्वकर्मा भने पहिरो खस्नासाथ हाम फालेर बच्न सफल भएकी हुन्। प्रहरीले दिएको जानकारी अनुसार, स्थानीयवासीहरूले बेपत्ता दम्पतीको उद्धार कार्य जारी राखेका छन्।

जिल्ला प्रहरी कार्यालयको टोली घटनास्थलतर्फ गइरहेको र पुगेपछि यथार्थ विवरण आउने जानकारी आउने बताइएको छ।