५० हजार घुससहित पक्राउ परेका वरिष्ठ हवल्दारविरुद्ध मुद्दा दायर
काठमाडौँ । लागू औषध सम्बन्धी मुद्दा मिलाइदिने भन्दै सेवाग्राहीसँग घुस लिएको आरोपमा पक्राउ परेका वरिष्ठ हवल्दारविरुद्ध मुद्दा दायर भएको छ।
घुस लिएको आरोपमा पक्राउ परेका जिल्ला प्रहरी कार्यालय कास्कीमा कार्यरत प्रहरी वरिष्ठ हवल्दार विष्णु थापा क्षेत्रीविरुद्ध अख्तियार दुरुपयोग अनुसन्धान आयोगले विशेष अदालतमा भ्रष्टाचार मुद्दा दायर गरेको हो।
अख्तियारका अनुसार मुद्दा फाँटमा कार्यरत क्षेत्रीले लागूऔषध मुद्दामा पक्राउ नगरी सहजीकरण गरिदिने आश्वासन दिँदै सेवाग्राहीसँग ५० हजार रुपैयाँ माग गरेका थिए। अख्तियारको पोखरा कार्यालयबाट खटिएको टोलीले उनलाई उक्त रकम लिइरहेको अवस्थामा पक्राउ गरेको थियो।
अनुसन्धानपछि क्षेत्रीले भ्रष्टाचार निवारण ऐन, २०५९ अन्तर्गत कसुर गरेको निष्कर्ष निकाल्दै आयोगले विशेष अदालत, काठमाडौँमा आरोपपत्र दायर गरेको हो।
आयोगले उनीबाट ५० हजार रुपैयाँ बिगो असुल गरी सोही बराबर जरिवाना तथा कैद सजायको मागसमेत गरेको सहायक प्रवक्ता गणेशबहादुर अधिकारीले जानकारी दिएका छन्।
लागूऔषध मुद्दा मिलाउने भन्दै ५० हजार घुस लिएका मुद्दा शाखाका प्रहरीका वरिष्ठ हवल्दार पक्राउ
आइतबार, वैशाख १३, २०८३
मुद्दा शाखाका नायब सुब्बा १५ हजार घुससहित पक्राउ, थप ७७ हजार रुपैयाँ बरामद
शनिबार, चैत २८, २०८२
विद्युत प्राधिकरणका कार्यालय प्रमुख इन्जिनियर महेन्द्र १ लाख ४० हजार घुससहित पक्राउ
मंगलबार, चैत २४, २०८२
८५ हजार रुपैयाँ घुससहित तीन कर्मचारी अख्तियारको नियन्त्रणमा
मंगलबार, चैत २४, २०८२- प्रहरी र सशस्त्रका आईजीपीलाई विभागीय कारबाही गर्न सिफारिस
- आईजीपी कार्कीको ६ महिनाः लागूऔषधदेखि अपराध नियन्त्रणमा उल्लेखनीय प्रगति
- ५० हजार घुससहित पक्राउ परेका वरिष्ठ हवल्दारविरुद्ध मुद्दा दायर
- वडा प्रहरी नेपालगन्जको सक्रियतामा हराएको ल्यापटप भेटियो, बुझाइयो सम्बन्धित धनिलाई
- सशस्त्र प्रहरीका १३४ गोताखोरसहित २६ हजार सुरक्षाकर्मी तयारी अवस्थामा
