श्रीमतीको हत्या गर्ने सेनाका जवानलाई २५ वर्ष जेल सजाय

सुर्खेत । झन्डै एक बर्ष अघि श्रीमतीलाई जंगलमा लगेर हत्या गरेका अभियुक्त नेपाली सेनाका एक जवानलाई जिल्ला अदालत सुर्खेतले जन्मकैद अर्थात २५ बर्ष जेलको फैसला सुनाएको छ ।

पीडितका आफन्तलाई ३ लाख क्षतिपुर्ती उपलब्ध गराउन आदेशपनि अदालत गरेको छ।
जिल्ला न्यायाधीस बसन्तराज जोशीको इजलासले बुधबार आफ्नी २६ बर्षीया श्रीमती प्रेमा वली खत्रीलाई जंगलमा लगेर हत्या नेपाली सेनाका जवान २८ बर्षीय दर्शन खत्रीलाई जन्म कैदको फैसला सुनाएका हुन ।

नेपाली सेनाको वीरदल गण, पाँचथरमा जवान पदमा कार्यरत दर्शनले गत बैशाख २१ गते गुर्भाकोट नगरपालिका–५ थक्लेनीमा ५ वर्षीया छोरीसहित बस्दै आएकी श्रीमती प्रेमालाई भेरीगंगा नगरपालिका–१२ छिन्चुस्थित जंगलमा ल्याएर हत्या गरेका थिए ।

दर्शन र प्रेमाले सात वर्ष अघि प्रेम विवाह गरेका थिए । २२ गते दिउँसो थाकल खान जंगल गएका स्थानीयले प्रेमाको शव देखेपछि प्रहरीलाई खबर गरेका थिए।