केपी शर्मा ओली र रमेश लेखकलाई हेलचेक्र्याइँका कारण ज्यान मार्ने अभियोग

काठमाडौं । पूर्वप्रधानमन्त्री केपी शर्मा ओली र पूर्व गृहमन्त्री रमेश लेखक लाई प्रहरीले ‘हेलचेक्र्याइँका कारण ज्यान गएको’ आरोपमा नियन्त्रणमा लिएको छ। तीन दिनअघि सार्वजनिक भएको जाँचबुझ प्रतिवेदनले उनीहरूबाट गम्भीर लापरवाही भएको निष्कर्ष निकालेपछि यो कारबाही अघि बढाइएको हो।

गौरीबहादुर कार्की नेतृत्वको आयोगले तयार पारेको प्रतिवेदनमा घटनामा जिम्मेवार पक्षहरूले आवश्यक सतर्कता नअपनाएको र त्यसैका कारण मानवीय क्षति भएको उल्लेख छ। प्रतिवेदनले पूर्व प्रहरी महानिरीक्षक चन्द्रकुवेर खापुङ सहितका व्यक्तिहरूमाथि पनि मुलुकी अपराध संहिता अनुसार कारबाही गर्नुपर्ने सिफारिस गरेको थियो।

प्रहरीले मुलुकी अपराध संहिताका दफा २८१, २८२ र २८३ अन्तर्गत मुद्दा दर्ता गर्दै पक्राउ प्रक्रिया अघि बढाएको जनाएको छ। यी प्रावधानहरूले हेलचेक्र्याइँका कारण ज्यान गुम्ने घटनामा कैद र जरिवानाको व्यवस्था गरेका छन्।

यसैबीच, नवनियुक्त प्रधानमन्त्री बालेन शाह ले पदभार ग्रहण गरेलगत्तै बसेको मन्त्रिपरिषद् बैठकले आयोगको प्रतिवेदन कार्यान्वयन गर्ने निर्णय गरेको थियो। सोही निर्णयअनुसार सुरक्षाकर्मी बाहेकका सम्बन्धित व्यक्तिमाथि कानुनी प्रक्रिया अगाडि बढाइएको हो।